Saturday 23 February 2008

EOC

eoc是平機會的英文縮略。
爲什麽突然想起說平機會呢?
因爲我們同住的一個flatmate要另尋世界,和她的男友雙宿雙棲去了。
不過本來也是可以理解的,一周7天,她有3天在家睡,其餘4天應該都和男友一起。
既然一樣要繳租,不如都是兩個人住埋一起,不用山長水遠來回頻撲了。
那提前兩周通知了業主便可以來去自由了,亦不用繳違約,好聚好散,文明社會。
空出來的那閒房,要再找一個人來住。
我不用理會這些事情,但是,不禁讓我想到當時Z小姐周圍搵flat的苦況。
確實,找個人搬入來,風險還是有的。
你也不知道對方到底是什麽人,會不會趁我們都去返工在家燒了間屋,會不會周末帶回來一群朋友來開party,又會不會每天朝早大家都睡眼朦朧分秒必爭要沖涼、吃早餐、趕巴士的心急火燎的時候霸住個廁所死也不肯出來,又會不會每天好夜才回來兼一身酒氣?
都是人不可貌相了,可是來看樓的人,我們如何不貌相呢?
最多5分鐘的時間裡,我們要問問題,答問題,問別人的職業,興趣愛好,生活習慣,作息。
天,我們又不是人口普查委員會的,如何可以問得那麽徹底?
所以了,長得醜一點的,我們會有點顧忌。
生得惡點的,我們會怕半夜被追數的斬死。
職業不穩定的,會被懷疑交不出租,最後走佬,並帶走我們值錢的東西。
説話輕佻的,我們覺得會未夠成熟,做人沒有承擔。
説話刻板的,我們又覺得人家沒有幽默感。
你也不想引狼入室,又或者和一個超級無敵不啱key的住一起的,對不對?
如果招租亦要遵循EOC的各項條款的,怕是大部分的業主已經被告到破產了吧?

10 comments:

lu said...

就算長得美的...也會有顧忌呀.

good luck la..

c.r said...

哈哈,點解呀?

lu said...

招惹狂蜂浪蝶...又或者恃靚行兇,十指不沾陽春水...還得你去給他收拾... :P

[感覺到EOC已經在盯著我了 XD]

c.r said...

:D
係噃~不過冇有怕,威靈頓靚嘅人好少,唔知點解。
不過多謝先~

[EOC, lu係無辜嘅~我作證呀~]

mad dog said...

哈, 找flatmate真係唔易. 祝好運! :)

c.r said...

多謝md! =)
頭先嚟咗一個我懷疑係斷背嘅麻甩佬,一個未夠20嘅靚妹,一個超級多嘢講嘅肥婆同一個溝通有問題嘅法國佬。
陣閒應該仲有2個會嚟……唔知會點樣。

lu said...

哈哈..謝啦 :)

其實,你會不會介意男flatmate?

c.r said...

都ok囉,以前有過男flatmate架。只不過以後唔可以底衣底褲周圍亂撇囉。

mad dog said...

都係揀同性方便啲. :)

c.r said...

係架,但係最終都唔係我話事囉,不過冇所謂,睇實自己啲嘢囉,我好冇安全感架~